पोखरा / नक्कली लाइसेन्स वितरणको खुलासाले हलचल मच्चयाइरहेको बेला ट्रायल परीक्षा दिने नक्कली परीक्षार्थी पक्राउ परेका छन्। तनहुँको बन्दीपुर गाउँपालिका–४ विमलनगरमा रहेको यातायात व्यवस्था कार्यालयबाट नक्कली परीक्षार्थी पक्राउ गरिएको हो।
मोटरसाइलकको ट्रायल दिने भानु नगरपालिका–४ का ३० वर्षीय पूर्ण मगरलाई पक्राउ गरेको जिल्ला प्रहरी कार्यालय तनहुँका सूचना अधिकारी डिएसपी मोहनबहादुर खाँणले बताए।
पूर्णले तनहुँको बन्दीपुर गाउँपालिका–४ का सुरेश थापा मगरेको ट्राय दिएका हुन्। मंगलबा किर्त सही छाप गरी प्रयोगात्मक परीक्षा दिँदै गरेको अवस्थामा पक्राउ गरेको डिएसपी खाँणले भनाइ छ।
‘किर्ते सम्बन्धी कसुरमा अनुसन्धान भइरहेको छ’, उनले भने। बुधबार जिल्ला अदालत तनहुँबाट ५ दिनको म्याद थपेर अनुसन्धान पक्रिया अगाडि बढाएको उनले बताए
