एजेन्सी । सेप्टेम्बर १२ मा एप्पलले आफ्नो नयाँ सिरिज अर्थात आईफोन १५ सार्वजनिक गरेको थियो । नयाँ स्मार्टफोन सार्वजनिक गरेसँगै कम्पनीले केही डिभाइसहरूको उत्पादन पनि बन्द गरेको छ, जसमा आईफोन १२, आईफोन १३ मिनी, आइफोन १४ प्रो र आइफोन प्रो म्याक्स समावेश छन् ।
यही बिच फ्रान्सले आईफोन १२ माथि प्रतिबन्ध लगाएको छ । विकिरण जोखिमको कारण फ्रान्सले प्रतिबन्ध लगाएको हो, जुन सरकारले तोकेको फोनको विकिरण एक्सपोजर सीमाभन्दा बढी रहेको छ । एप्पलले यी सबै अस्वीकार गरे पनि बेल्जियमले पनि आईफोन १२ सँग सम्बन्धित स्वास्थ्य जोखिमको समीक्षा गर्न थालेको छ ।
बेल्जियमका राज्य सचिवले आफ्ना नागरिकहरू सुरक्षित सुनिश्चितता गर्नु राज्यको कर्तव्य भएको बताए । आईफोन १२ सन् २०२० मा सार्वजनिक गरिएको थियो । एप्पलले फोनलाई प्रारम्भिक रूपमा बिक्रीमा राख्दा विकिरण मापदण्डको पालना गरेको थियो, तर अब त्यस्तो नहुन सक्छ ।
फ्रान्सको प्रतिबन्धले सम्पूर्ण युरोपमा यो फोनको प्रतिबन्धलाई असर गर्न सक्छ । जर्मनीका नियामकहरूले पनि यस मुद्दाको अनुसन्धान गरिरहेका छन्, र स्पेनिस उपभोक्ता समूहले देशमा बिक्रीबाट उपकरण हटाउन अभियान चलाउँदैछ । एप्पलले यो हप्ता आईफोन १२ बेच्न बन्द गरेको थियो । यो जानकारी आईफोन १५ को सार्वजनिक भएपछि आएको हो । तर एप्पलले भने अहिलेसम्म केही जानकारी दिएको छैन् ।
