काठमाडौँ – प्रधानमन्त्री पुष्पकमल दाहाल ‘प्रचण्ड’ सरकारी निवास बालुवाटार सरेका छन्। सोमबार प्रधानमन्त्रीको शपथ लिएका प्रचण्ड बुधबार साँझ बालुवाटार सरेका हुन्।
प्रधानमन्त्री निवास बालुवाटारको साँचो प्रधानमन्त्री दाहालपुत्री गंगा दाहाललाई बुधबार साँझ हस्तान्तरण गरिएको थियो।
‘प्रचण्ड’ बुधबार साँझ प्रधानमन्त्रीको सरकारी निवास बालुवाटारमा प्रवेश गरेपछि सहरी विकास मन्त्रालयका सचिव सुरेश आचार्यले निवासको साँचो प्रधानमन्त्री दाहालपुत्री गंगा दाहाललाई हस्तान्तरण गरेका थिए।
स्रोतका अनुसार उनी ज्योतिषीले दिएको साइतअनुसार ललितपुरको खुमलटारस्थित निजी निवासबाट प्रधानमन्त्री निवास बालुवाटार सरेका हुन्।
निवर्तमान प्रधानमन्त्री शेरबहादुर देउवा आजै बालुवाटार छाडेर धुम्बाराहीस्थित भाडाको घरमा सरेका थिए।
