जनकपुरधाम– महोत्तरी प्रहरीले भारतबाट नेपाल तर्फ आउँदै गरेका एक युवकलाई पेस्तोलसहित नियन्त्रणमा लिएको छ। महोत्तरीको एकडरा गाउँपालिका ४ हल्खोरी बजारस्थित भारतबाट नेपाल तर्फ आउँदै गरेका भारतको बिहार राज्य जिल्ला सितामढी बाजोपट्टी गाउँ वडा नं ६ बस्ने २६ वर्षीय पप्पु यादवलाई नियन्त्रणमा लिएको जिल्ला प्रहरी कार्यालय महोत्तरीले जनाएको छ।
शंकाको आधारमा युवकलाई चेकजाँच गर्दा भारतमा निर्मित पेस्तोल १ थान र त्यसको गाली ५ राउण्ड बरामद गरेको प्रहरी प्रवक्ता प्रहरी नायव उपरीक्षक दिलीप कुमार गिरीले जानकारी दिए। यस सम्बन्धमा थप अनुसन्धान भइरहेको जिल्ला प्रहरी कार्यालय महोत्तरीले जनाएको छ।
