काठमाडौं । आज तीन वटा संसदीय समितिको बैठक लागेकाे छ ।
संसद् सचिवालयका अनुसार अन्तर्राष्ट्रिय सम्बन्ध र पर्यटन समिति, राज्य व्यवस्था तथा सुशासन समिति र विकास, आर्थिक मामिला तथा सुशासन समितिको बैठक बस्ने भएकाे छ । आज बिहान साढे ८ बजे बस्ने अन्तर्राष्ट्रिय सम्बन्ध र पर्यटन समितिको बैठकमा जलवायु परिवर्तन सम्बन्धमा विषय विज्ञहरूसँग छलफल जारी रहेकाे छ । यसैगरी बैठकमा संयुक्त राष्ट्र सङ्घीय महासभामा परराष्ट्र मन्त्रीको सहभागिता सम्बन्धमा पनि छलफल हुने कार्यसूची छ ।
यसैगरी आज बिहान ११ बजे बस्ने राज्य व्यवस्था तथा सुशासन समिति र विकास समितिको बैठकमा राष्ट्रिय सेवा दल विधेयक अध्ययन उपसमितिको प्रतिवेदनमाथि छलफल हुने सूची छ ।
यसैगरी आज बिहान सवा ११ बजे बस्ने विकास, आर्थिक मामिला तथा सुशासन समितिको बैठकमा विश्वयापी जलवायु परिवर्तनको प्रभावले हालै नेपालमा पारेको गम्भिर क्षति र निकट भविष्यमा हुने जलवायु परिवर्तन सम्मेलन लगायत अन्तर्राष्ट्रिय कूटनीतिक प्रवर्द्धन सम्बन्धमा विषयविज्ञ एवं सरोकारवाला संघसंस्थासँग छलफल गर्ने कार्यसूची छ ।
