काठमाडौं । गत भदौ १० गते भोटेकोशीमा आएको विशाशकारी बाढीमा परी ज्यान गुमाउनेकाे संख्या हालसम्म संख्या १ हजार ३५७ पुगेको छ ।
बाढी गएको चौधौं दिन आजसम्म आठ वटा जिल्लामा गरी ती शव फेला परेको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ ।
प्राधिकरणका अनुसार, आजसम्ममा रसुवामा १६९, नुवाकोटमा १९७, धादिङमा ७०, गोरखामा ७५, तनहुँमा ३८, चितवनमा ३६३, नवलपरासीपूर्वमा २२३ र नवलपरासी पश्चिममा २२२ शव फेला परेको छ ।
त्यस्तैगरी अझै ५ हजार ३२६ जना सम्पर्कविहीन छन् । सम्पर्कविहीन हुनेहरूमा ४५ सैनिक, २५ प्रहरी, १२ सशस्त्र प्रहरी, ७३ सरकारी कर्मचारी र २६ जना बैंक तथा वित्तीय संस्थाका कर्मचारी समेत रहेका छन् । यसका साथै हालसम्म १३ हजार ५८३ जनाको उद्धार गरिएको र ६ हजार ८२७ जना घाइतेको उद्धार गरिएको पनि प्राधिकरणले जनाएको छ ।
