काठमाडाैं । सिंहदरबारस्थित संघीय संसद भवन परिसरमा ‘जेन–जी सहिद स्मारक पार्क तथा सालिक र स्तम्भ’ को शिलान्यास गरिएको छ।
आईतवार एक कार्यक्रमकाबीच गृहमन्त्री सुधन गुरुङ, पूर्वाधार विकासमन्त्री सुनिल लम्सालले ‘जेन–जी सहिद स्मारक पार्क तथा शालिक र स्तम्भ’को संयुक्त रुपमा शिलान्याश गरेका हुन्।
शिलान्याशपछि सञ्चारकर्मीसँग कुरा गर्दै गृहमन्त्री गुरुङले जेन–जी पुस्ताले अघि सारेका मागहरु सम्बोधन गर्न सरकार प्रतिवद्ध रहेको जनाए ।
उनले जेन–जी पुस्ताको आन्दोलनको क्रममा शहीद भएका सबैको शालिक निर्माण गरिने जनाए।
उनले भने, ‘हामी आफैं कसम खाएर आएका छौँ, त्यो उहाँहरुको माग पूरा गर्छौँ। आन्दोलनको क्रममा जति जना शहीद हुनुभएको छ, उहाँहरु सबैको शालिक बन्छ।’
सरकारले जेन–जी शहीद दिवसको अवसरमा २३ भदौमा मुलुकभर सार्वजनिक विदा दिने निर्णय समेत गरेको छ।
