काठमाडौं । नेवाः समुदायद्वारा बागमती प्रदेशमा भाषा ऐन लागु नभएकाेप्रति खेद व्यक्त गरेका छन् ।
यसै सन्दर्भमा जेठ १० गते नेवाः हरुको साझा राष्ट्रिय संगठन नेवा देय् दबू र नेवाः राजनितिक महागुथिले फरक फरक कार्यक्रम आयोजना गरेर प्रभावकारी कार्यान्वयन लागू ध्यानाकर्षण गराएका छन् । नेवाः देय् दबूको आयोजनामा काठमाडौंमा ‘बागमती प्रदेशमा सरकारी कामकाजको भाषा ऐन कार्यान्वयनको अवस्था, चुनौती र भावी योजना’ विषयक अन्तरक्रिया कार्यक्रम सम्पन्न भएको छ ।
साे अन्तर्क्रिया कार्यक्रममा भाषा आयोगका सदस्य डा. पुस्करराज भट्टले प्रदेशमा भाषा ऐन आइसकेको अवस्थामा पालिकाहरुमा पनि कामकाजी भाषाको रुपमा कार्यान्वयन गर्न सकिने भएकाले आयोग आवश्यक सहयोग गर्न तत्पर रहेकाे जानकारी गराए ।
साे अन्तर्क्रियामा सहभागी जनप्रतिनिधिहरुले बागमती प्रदेशको भाषा ऐन र नेपालको संविधान साथै स्थानीय सरकार संचालन ऐन अनुसार भाषालाई मान्यता दिन र कामकाजि भाषाको रुपमा लागू गर्नका लागि स्वयं समुदायले पनि भूमिका खेल्नु पर्ने जनाउदै भाषा आयोगको पनि सहयोग आवश्यकता रहेको जनाए ।
नेपाल तामाङ घेदुङ संघका सह-अध्यक्ष सरोज मोहन लामाले तामाङ भाषा, नेवार भाषा जस्तै सबै मातृभाषाको महत्वबारे प्रकाश पारे ।
दबूकी अध्यक्ष रश्मिला प्रजापति श्रेष्ठले नेवाः देय् दबूले यस्तो खालको कार्यक्रम केही जिल्लामा भइसकेको र बाँकी जिल्लामा क्रमशः गर्दै लाने लक्ष रहेको जनाएकी छन् ।
यस सन्दर्भमा नेवाः राजनीतिक महागुथिले आयोजना गरेको अन्तरक्रिया कार्यक्रममा पूर्वमन्त्री एवम् बागमती प्रदेश सभा सदस्य मा. गंगानारायण श्रेष्ठले ऐनमा स्पष्ट रूपमा ‘राष्ट्रभाषा विकास प्रतिष्ठान’ गठन गर्ने व्यवस्था हुँदाहुँदै अहिलेको सरकारले ‘भाषा, कला, संस्कृति संरक्षण प्रतिष्ठान’ गठन गर्न संस्कृति तथा पर्यटन मन्त्रालयसँग सहमतिका लागि विधेयक आर्थिक मामिला योजना मन्त्रालयमा प्रस्ताव पठाएकोमा चिन्ता व्यक्त गर्नुभयो ।
उहाँले वर्तमान सरकार आदिवासी जनजातिको पक्षमा नदेखिएको भन्दै यसैले प्राप्त उपलब्धीहरुको रक्षा गर्दै थप उपलब्धी हासिल गर्न सडक र सदन दुवै ठाउँमा संघर्ष आवश्यक रहेको जनाउनु भयो । कार्यक्रममा पूर्वमन्त्री मा. शैलेन्द्र बज्राचार्यले प्राप्त उपलब्धीको रक्षाका लागि जनता नै सचेत हुनुपर्ने जनाउँदै आफूले भाषा ऐन कार्यान्वयनको समयमा मन्त्री बन्ने सौभाग्य प्राप्त गरेको जानकारी गराउनु भयाे । । उनले अहिले प्रदेशमा आफ्नो उपस्थिति त्यति सबल नभए पनि भाषा ऐन कार्यान्वयनका लागि जनजाति सांसदहरु एकमत रहेको पनि जनाउनुभयो ।
नयाँ प्रादेशिक भाषाविशयक कार्या नसकेको भन्दै पत्रमार्फत् एक सन्देश पठाउनु भएको थियो । उहाँले भाषा ऐन लागू गराउनका लागि तयार भएको ऐनको फाइल खोज्न नै आफूलाई धेरै समय लागेको पत्रमा उल्लेख गर्नुभएको थियो ।
साे अन्तरकृया कार्यक्रममा महागुथिका संयोजक माधव श्रेष्ठले सहजीकरण गर्नुभएको कार्यक्रममा पूर्वमन्त्रीद्वय श्रेष्ठ र बज्राचार्यको उपस्थिति रहेको थियो भने पूर्वमन्त्री पुकार महर्जनले कार्य व्यस्तताको कारण उपस्थित हुन कार्यक्रममा प्रदेशसभा सदस्य
समिता खड्गी श्रेष्ठ, भाषाविद् डा. ओमकारेश्वर श्रेष्ठलगायतले आ- आफ्नो धारणा राख्नुभएको कार्यक्रमकाे संयोजक अनुप सिंह सुवालले कार्यक्रमको उद्देश्यका साथै वक्ताहरुद्वारा व्यक्त विचारको सार प्रस्तुत गर्नुभएको थियो ।
