काठमाडौं । सप्तरंगी फिल्मव्दारा एकपछि अर्को म्युजिक भिडियो निर्माण गर्ने सिलसिलामा ‘नाच रे पतरकी’ बोलको नयाँ गीतको भिडियो सार्वजनिक गरेको छ । भोजपुरी गीतसंगीतका लोकप्रिय गायक तथा गायिका शिल्पी राज र श्याम राउतको स्वर सजिएको ‘नाच रे पतरकी’ बोलको भोजपुरी गीतमा शब्द अजित मण्डल, संगीत आर्य शर्माको रहेको छ ।
श्याम राउत र नूर आलम बादशाह निर्माता रहेको डान्सिङ शैलिको रोमान्टिक गीतको भिडियोमा लोकप्रिय भोजपुरी मोडल सदाम हुसेन र रेविका अधिकारीको मुख्य अभिनय रहेको छ । यसमा छायांकन मिलन थापा, सम्पादन सौखिन तिमल्सिना, कला निर्देशन जटाशंकर गोसाई, मेकअप प्रिया नगरकोटी र निर्देशन सुरेश पाण्डेको रहेको छ ।
