कीर्तिपुर । नेपाल र युएइबिच टीयू मैदान कीर्तिपुरमा भएको पहिलो टी-२० अन्तर्राष्ट्रिय खेलमा नेपाल युएइसँग ६ विकेटले पराजित भएको छ। वर्षाले प्रभावित बनेको खेलमा डर्कवर्थ लुइस (डिएलएस) नियम अनुसार युएइलाई १० ओभरमा जितका लागि ७८ रनको लक्ष्य दिएको थियो। उक्त लक्ष्य युएइले ८.५ ओभरमा ४ विकेट गुमाएर पूरा गर्याे ।
युएइको जितमा कप्तान मुहम्मद वासिमले ३३ रन बनाउँदा अलिसान सर्राफुले १८ रन रन बनाए। त्यस्तै अक्षदीप नाथले १७ रन बनाउँदा अन्यको प्रदर्शन गतिलो रहेन्। नेपालका लागि सन्दीप लामिछाने एक्लैले ३ विकेट लिए। उनी बाहेक कुशल मल्लका नाममा अर्को एक विकेट रह्यो।
त्यसअघि पहिले ब्याटिङ गरेको नापलले वर्षाले खेल अवरुध्द गर्नु अघि १८.५ ओभरमा नेपालले १ सय २२ रन बनाएको थियो। नेपालका लागि कप्तान दीपेन्द्र सिंह ऐरीले सर्वाधिक ३२ रन बनाएर अविजित रहँदा अन्यको प्रदर्शन भने गतिलो रहेन्।
उनी बाहेक कुशल भुर्तेलले १६ रन बनाउँदा अर्जुन साउदले १३ तथा कुशल मल्लले १७ रन बनाए। थप दोहोरो स्कोरका रुपमा बसिर अहमदको १४ रन रहँदा नन्दन यादवले १३ रन बनाए। अन्य खेलाडीको प्रदर्शन भने सम्झन लायक रहेन्। नेपाल विरुद्ध युएईका लागि मुहम्मद जुहाइबले ३ विकेट लिंदा जुनाइद सिद्दीकीले २ तथा हाइदर अली र मुहम्मद अर्फानले १-१ विकेट लिए।
