काठमाडौं । एनभीए पुरुष च्याम्पियनसिपमा नेपाल पुलिस क्लब क्वाटर फाइनलमा प्रवेश गरेकाे छ ।
दोस्रो जित हासिल गरेसँगै नेपाल पुलिस क्लब समूह ‘बी’ बाट क्वाटर फाइनल प्रवेश गरेको हो।
आज त्रिपुरेश्वरस्थित दशरथ रङ्गशाला कभर्ड हलमा भएको पुरुषतर्फको दोस्रो खेलमा नेपाल पुलिस क्लबले खिल्जी युवा क्लबलाई ३-० ले हराएको हो। नेपाल पुलिस क्लबले खिल्जी युवा क्लबलाई २५-२१, २५-१६ र २५-१६ ले हराएको हो।
प्रतियोगिताको पहिलो खेलमा नेपाल पुलिस क्लबले ढोरपाटन स्पोर्ट्स क्लबलाई ३-१ ले हराएको थियो। पुरुषतर्फको आजको पहिलो खेलमा टिपटप हेल्प नेपालले मणी मुकुन्द क्लबलाई ३-० ले हराएको थियो। मणि मुकुन्दलाई हराउँदै हेल्प नेपाल प्रतियोगिताको क्वाटर फाइनल प्रवेश गरेको छ।
पुल ‘ए’ मा रहेको हेल्प नेपाल २ जितसहित ६ अंकसहित क्वाटर फाइनलमा प्रवेश गरेको हो।
आज महिलातर्फको पहिलो खेलमा त्रिभुवन आर्मी क्लबले चुली युवा क्लबलाई ३-० पराजित गरेको थियो। त्यस्तै, महिला तर्फको दोस्रो खेलमा एपीएफ क्लबले सुदूरपश्चिम खेलकुद परिषद्लाई ३-० पराजित गरेको हो।
