कर्णाली प्रदेश समाज जापान कान्साई प्रान्तको सचिवमा प्रकाश रसाइली निर्वाचित कर्णाली प्रदेश समाज जापान कान्साई प्रान्तको तेस्रो अधिवेशनबाट अध्यक्षमा झरेन्द्रकुमार कवर (अन्जन) सर्वसम्मत निर्वाचित भएका छन्।
जापानको ओसाकामा जुन २२, आइतबारका दिन सम्पन समाजको तेस्रो अधिवेशनबाट कवरको अध्यक्षतामा २१ सदस्यीय कान्साई क्षेत्रीय समिति सर्वसम्मत निर्वाचित भएको हो ।“सामाजिक एकता, समृद्धि र सुशासनमा हाम्रो प्रतिबद्धता” भन्ने नारासहित सम्पन्न सो अधिवेशनबाट उपाध्यक्षमा अम्मर सेजुवाल, लोकमान पुनमगर, सुरक्षा शाही, सचिवमा प्रकाश रसाइली (भाबुक), सह-सचिवमा गणेशसिं ठकुरी र तारा रावल, कोषाध्यक्ष नित्या खड्का, सह-कोषाध्यक्षमा शान्ति ठकुरी चयन भएका हुन् ।
त्यस्तै सदस्यमा कोपिला बम ठकुरी, मुक्ति सुवेदि, सुस्मिता शाही, चन्द्र बुढाक्षेत्री, बेशन भण्डारी, सुजन पुनमगर, अन्जली शाहीठकुरी, चक्रबहादुर वि क, सुनिता शाही, सेतु बम, कल्पना र निर्मल बुढाथोकी चयन भएका छन् ।
सल्लाहकारमा डा. भरतसिं नेगी, दिलिप कँडेल, रविन्द्र शाही र नरेश ओली चयन भएका छन् । नवनिर्वाचित अध्यक्ष कवरले सबैले विश्वास गरेर अध्यक्षमा निर्वाचित गरेकोमा धन्यवाद दिदै आफूले बोल्ने भन्दा काममा बढी केन्द्रित हुने बताए । उनले कर्णाली प्रदेश र कर्णाली बासीको लागि हरेक अप्ठ्यारोमा पुलको रुपमा उभिने र त्यसका लागि जापानमा रहेका विभिन्न संघ संस्थाहरुसँग पनि सहकार्य गर्दै अघि बढ्ने प्रतिबद्धता गरे ।
संस्थाका क्षेत्रीय उप संयोजक रविन्द्र शाहीको सभापतित्वमा सम्पन्न अधिवेशनमा केन्द्रीय अध्यक्ष कृष्ण शाही, एनआरएनए कान्साईका संयोजक हरि प्रशाद, कलाकारहरू विष्णु खत्री, अनिता चलाउने, काजल गुरुङ, सुस्मिता शाही र कुलविर थापालगायतको सहभागिता रहेको थियो । सन् २०२० सालमा स्थापना भएको कर्णाली प्रदेश समाजले हाल जापानका ६ प्रान्तमा क्षेत्रीय समितीहरु विस्तार गरिएसकेको छ।
