काठमाडौं । जिल्ला प्रशासन कार्यालय काठमाडौंले निषेधाज्ञा जारी गरेपछि राजावादी समूह ‘संयुक्त जनआन्दोलन समिति’ले भोलिको पूर्वनिर्धारित प्रदर्शनस्थल परिवर्तन गरेको छ। दरबारमार्गमा हुने भनिएको प्रदर्शन शान्ति बाटिका (रत्नपार्क) मा तय भएको समितिका संयोजक नवराज सुवेदीद्वारा शुक्रबार जारी सूचनामा उल्लेख छ ।
उनले शनिबारदेखि नै लागू हुने गरेर सरकारले दरबारमार्ग क्षेत्रमा निषेधाज्ञा घोषणा गरेर नागरिकको मानव अधिकार र प्रजातान्त्रिक स्वतन्त्रतामाथि फेरि एकपटक कुठाराघात गरेको आरोप लगाए।
संयुक्त जनआन्दोलन समितिले वर्तमान व्यवस्था विरुद्ध बिहीबारदेखि आन्दोलन गर्दै आएको छ ।
