काठमाडौं । प्रधानमन्त्री बालेन्द्र शाहको भारत भ्रमण यात्रा अवधिसहित जम्मा ३० घण्टा मात्रै हुने भएको छ।
प्रधानमन्त्री भएपछि पहिलो विदे भ्रमणका रुपमा भारत जान लागेका शाह मंसिर ६ गते दिउँसो नयाँ दिल्ली प्रस्थान गर्नेछन्। परराष्ट्र मन्त्रालय स्रोतका अनुसार उनी भोलिपल्टै स्वदेश फर्किनेछन्।
प्रधानमन्त्रीको भ्रमण अत्यन्त छोटो र औपचारिक हुनेछ। भ्रमणलाई परिणाम मुखी बनाइने जनाइएको छ।
भ्रमणका क्रममा केही महत्वपूर्ण विषयमा सम्झौता र उद्घाटन गर्ने तयारी रहेको परराष्ट्रले जनाएको छ।
भ्रमणका क्रममा समकक्षी मोदीसँग मिलेर शाहले भगवान रामको जन्मथलो अयोध्यादेखि सीताको जन्मथलो जनकपुरसम्म रेलको उद्घाटन गर्नेछन्। रामायण सर्किटका रुपमा अघि सारिएको यो रेल मार्ग ६०४ किलोमिटरको छ।
त्यस्तै भ्रमणका क्रममा नेपालले लामो समयदेखि माग गर्दै आएको भैरहवा अन्तराष्ट्रिय विमानस्थलका लागि भारतीय रुट माग गरेको छ।
भारतले पनि पश्चिम बंगालस्थित बागडोगरा विमानस्थलबाट उडान गर्ने अन्तर्राष्ट्रिय विमानलाई नेपालको पूर्वी हवाई मार्गका लागि माग गरेको छ। दुई देशबीच दुवै हवाइ रुट आदान प्रदानमा सम्झौता हुने तयारी छ।


