काठमाडौं । सरकारले जापानको आइची नागोयामा सम्पन्न २०औं एसियाली खेलकुदमा पदक जित्ने खेलाडी, प्रशिक्षक तथा व्यवस्थापकलाई नगद पुरस्कार प्रदान गर्ने निर्णय गरेको छ ।
शुक्रबार बसेको मन्त्रिपरिषद् बैठकले एसियाली खेलकुदमा पदक जितेका खेलाडी, प्रशिक्षक, व्यवस्थापकलाई नगद पुरस्कारसहित सम्मान गर्ने निर्णय गरेको हो ।
खेलकुद विकास नियमावलीअनुसार एसियन गेम्सको व्यक्तिगत प्रतिस्पर्धामा कांस्य पदक जित्ने खेलाडीले १३ लाख रुपैयाँको आधा र उनका प्रशिक्षकले २ लाख ६० हजार रुपैयाँ पुरस्कार पाउने व्यवस्था छ ।
सोझै सहभागी हुने खेलकुद प्रतियोगिताहरूको हकमा उल्लिखित रकमको आधा पुरस्कार रकमको व्यवस्था गर्ने भनिएकाले आधा रकम पुरस्कार दिइनेछ ।
यसअनुसार करातेका तेन्जिङ शेर्पाले १३ लाख रुपैयाँको आधा ६ लाख ५० हजार रुपैयाँ तथा उनका प्रशिक्षकले १ लाख ३० हजार रुपैयाँ पाउनेछन् । महिला कबड्डी टोलीका खेलाडीले जनही १ लाख ९५ हजार रुपैयाँ र प्रशिक्षकले १ लाख ३० हजार रुपैयाँ पाउनेछन् ।
सहायक प्रशिक्षक एवं व्यवस्थापकलाई १ लाख ३० हजार पुरस्कार दिने व्यवस्था छ ।
