काठमाडौं । राष्ट्रिय स्वतन्त्र पार्टी(रास्वपा) सभापति रवि लामिछानेले भोटेकोशी विपद् बारे छलफल गर्न केन्द्रीय समितिको बैठक बोलाएका छन् ।
रास्वपा महामन्त्री विपीनकुमार आचार्यका अनुसार आज(आइतबार) दिउँसो ४ बजे केन्द्रीय समितिको भर्चुअल बैठक बस्ने छ।
विपद् व्यवस्थापनका बहुआयामिक पक्षहरुका सम्बन्धमा छलफल गर्न बोलाइएको बैठकमा सबै केन्द्रीय सदस्यलाई अनिवार्य गरिएको छ ।
