काठमाडौं । नेपाल राष्ट्र बैंकले आइतबारका लागि विदेशी मुद्राको आधिकारिक विनिमय दर सार्वजनिक गरेको छ । सार्वजनिक विवरण अनुसार अमेरिकी डलर, युरो र पाउन्ड स्टर्लिङसहित धेरैजसो विदेशी मुद्राको भाउ ऐतिहासिक रूपमा उच्च विन्दुमा पुगेको छ ।
केन्द्रीय बैंकका अनुसार आज १ अमेरिकी डलरको खरिद दर १५२ रुपैयाँ २३ पैसा र बिक्री दर १५२ रुपैयाँ ८३ पैसा कायम भएको छ । त्यस्तै, युरोपियन युरो १ को खरिद दर १७३ रुपैयाँ ९६ पैसा र बिक्री दर १७४ रुपैयाँ ६५ पैसा तोकिएको छ । बेलायती पाउन्ड स्टर्लिङ १ को खरिज दर २०४ रुपैयाँ १५ पैसा र बिक्री दर २०४ रुपैयाँ ९५ पैसा पुगेको छ ।
खाडी मुलुकतर्फ कतारी रियाल १ को बिक्री दर ४१ रुपैयाँ ९४ पैसा र साउदी रियालको बिक्री दर ४० रुपैयाँ ७१ पैसा कायम हुँदा मलेसियन रिङ्गित १ को बिक्री दर ३७ रुपैयाँ ५५ पैसा रहेको छ । भारतीय रुपैयाँ १०० को विनिमय दर भने विगतझैँ स्थिर रहँदै खरिद दर १६० रुपैयाँ र बिक्री दर १६० रुपैयाँ १५ पैसा तोकिएको छ । वाणिज्य बैंकहरूले तोक्ने खुला बजार विनिमय दर भने राष्ट्र बैंकको यो दरभन्दा केही फरक हुन सक्ने केन्द्रीय बैंकले जनाएको छ ।
