काठमाडौं । विशेष अदालतले पासपोर्ट छपाइ भ्रष्टाचार प्रकरणमा पक्राउ परेका ५ जनालाई धरौटीमा छाड्न आदेश दिएको छ।
विशेष अदालतका सदस्यहरू न्यायाधीश नारायणप्रसाद पौडेल, हेमन्त रावल र उमेश कोइरालाको इजलासले राहदानी विभागका महानिर्देशक तीर्थराज अर्याललगायतलाई धरौटीमा छाड्न आदेश दिएको हो।
महानिर्देशक अर्यालसँग ५ लाख र निर्देशक सुनिलकुमार केसीसँग ४ लाख रुपैयाँ धरौटी माग गरिएको छ। यस्तै, सोमेश थापा र विपिन प्रसाईंसँग ३–३ लाख रुपैयाँ धरौटी माग गरिएको छ।
यस्तै, ठेकेदार कम्पनीका नेपाल एजेन्ट मणिन्द्रराज मल्लसँग ५ लाख रुपैयाँ धरौटी माग गरिएको छ।
तुलसीप्रसाद आचार्य र राजाराम दाहाललाई भने साधारण तारेखमा रिहा गर्न विशेष अदालतले आदेश दिएको छ।
