वीरप्रसाद भन्सारीकाे सांगीतिक साँझ २०८२ हुने (भिडियाे सहित)

इसासले देश र विदेशमा आयोजना गरेका सांस्कृतिक कार्यक्रमका वीरप्रसाद भन्सारीको क्रियाशीलता थियो । २०४६ सालको जनआन्दोलनपछि ठूलठूला सांस्कृतिक कार्यक्रममा उहाँको कुशल व्यवस्थापक र कलाकारको भूमिका थियो । कलाकार रायनको ‘सिम्मा’ र ‘कहाली’ जस्ता गीती नाटकको प्रदर्शनमा उहाँको व्यवस्थापकीय भूमिका देखिएको थियो ।
२०५३/०५४ सालपछि विभिन्न विवाद र विभाजनपछि इसासलाई कीर्तिपुरमा बचाइराख्ने र क्रियाशील बनाइराख्ने कामको अगुवाइ वीरप्रसाद भन्सारीले गर्नुभएको थियो । यसै क्रममा इसास कीर्तिपुरले २०५३ सालमा साहित्यकार शरद पौडेलको ‘बुहारी’ गीति नाटक, २०५७ सालमा जनकवि दुर्गालाल श्रेष्ठको गीति नाटक ‘लसय् हंगु विरोध’ र २०५८ सालमा कलाकार रायनको एकल सांगीतिक कार्यक्रमको आयोजन र व्यवस्थापन गरेको थियो । २०६२/६३ सालको जनआन्दोलनमा भएको नागरिक आन्दोलनका कार्यक्रममा पनि सक्रिय रहेको इसास कीर्तिपुरले उहाँकै नेतृत्वमा सचेतना जगाउने कार्यक्रम गर्दै समाजलाई न्यायपूर्ण र राज्यलाई लोकतान्त्रिक बनाउने अभियानमा चलाउँदै आइरहेको छ ।