काठमाडौं । दाङ, लमही नगरपालिका-७ नयाँबस्तीस्थित सडकमा लु.२ ख १०९८ नम्बरको बस र लु.३९ प ८९६१ नम्बरको मोटरसाटइकल एकआपसमा ठक्कर खाई बिहीबार साँझ दुर्घटना हुँदा मोटरसाइकल चालक सोही नगरपालिका-४ कोलही बस्ने २३ वर्षीय बिशाल चौधरीको मृत्यु भएको छ ।
दुर्घटनामा गम्भीर घाइते भएका उनको लमही अस्पताल लमहीमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार १ जनाको नेपालगञ्ज मेडिकल कलेज कोहलपुरमा र बसमा सवार १ जनाको राप्ति स्वास्थ्य बिज्ञान प्रतिष्ठान घोराहीमा उपचार भइरहेको छ ।
बस चालकलाई प्रहरीले नियन्त्रणमा लिएको छ । हुम्ला, अदानचुली गाउँपालिका-२ ठुलाखोलास्थित सडकमा भे.२ त २०५५ नम्बरको ट्याक्टर अनियन्त्रित भई बिहीबार साँझ दुर्घटना हुँदा ट्याक्टर चालक जुम्ला घर भएका २५ वर्षीय नगेश रावतको घटनास्थलमै मृत्यु भएको छ ।
झापा, बिर्तामोड नगरपालिका-५ स्थित सडकमा ना. ८ ख २२९७ नम्बरको ट्रक र हाल नम्बर नखुलेको मोटरसाइकल एकआपसमा ठक्कर खाई बिहीबार राति दुर्घटना हुँदा मोटरसाइकल चालक हल्दिबारी गाउँपालिका-४ बस्ने ३२ वर्षीय खगेन्द्र मगरको मृत्यु भएको छ । दुर्घटनामा गम्भीर घाइते भएका उनको बिएण्डसी अस्पताल बिर्तामोडमा उपचारको क्रममा मृत्यु भएको हो । साथै दुर्घटनामा घाइते भएकी मोटरसाइकलमा सवार उनकी श्रीमतीको सोही अस्पतालमा उपचार भइरहेको छ ।
ट्रक चालकलाई प्रहरीले नियन्त्रणमा लिएको छ । नपलपरासी पूर्व, देवचुली नगरपालिका-१४ देवचुली चोकस्थित सडकमा बा. १६ च ४७४० नम्बरको स्कार्पियोको ठक्करबाट पैदलयात्री सोही नगरपालिका-१४ बस्ने ४२ वर्षीया जया अर्यालको बिहीबार राति मृत्यु भएको छ । ठक्करबाट गम्भीर घाइते भएकी उनको मध्यबिन्दु प्रादेशिक अस्पताल डण्डामा उपचारको क्रममा मृत्यु भएको हो । स्कार्पियो चालकलाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
