काठमाडौं । नेपाली कांग्रेसका नेता डा. सुनिल शर्मा प्रतिनिधि सभा निर्वाचनका लागि मोरङ-३ बाट सर्वसम्मत सिफारिस भएका छन्।
क्षेत्रीय समितिको बैठकले उनको एकल नाम सिफारिस गर्ने निर्णय गरेसँगै डा. शर्मा नेपाली कांग्रेसको उम्मेदवारका लागि सिफारिस हुने नेपालभरका नेताहरूमध्ये पहिलो बनेका छन्।
यो सर्वसम्मत निर्णयले मोरङ-३ मा उनको बलियो पकड र स्वीकार्यता देखाएको छ।
कांग्रेस केन्द्रले यसअघि प्रत्येक निर्वाचन क्षेत्रबाट एक महिलासहित अधिकतम तीन जनासम्मको नाम सिफारिस गर्न सर्कुलर पठाएको थियो।
यद्यपि, मोरङ-३ मा डा. शर्मा बाहेक अन्य कुनै नेताले उम्मेदवारीमा दाबी पेस नगरेपछि क्षेत्रीय समितिले उनको एकल नाम केन्द्रमा सिफारिस गर्ने निर्णय गरेको हो।
