काठमाडौं । ‘अन्डरवर्ल्ड डन’ दाउद इब्राहिमका एक सहयोगी नेपालमा पक्राउ परेका छन् ।
पाँच दिन अघि काठमाडौंबाट उनलाई प्रहरीले पक्राउ गरेको हो ।
पहिचान लुकाएर काठमाडौंमा बस्दै आएका उनको बारेमा भारतीय प्रहरीले दिएको सूचनाका आधारमा नेपाल प्रहरीले कारबाही अघि बढाएको स्रोतको धारणा छ । सलीमलाई नियन्त्रणमा लिएपछि नेपाल प्रहरीले नै भारतीय प्रहरीसमक्ष बुझाएको जनाइएको छ ।
दुई देशबिच बेलाबखत यस प्रकारको समन्वयका आधारमा कारबाही हुने गरेको प्रहरी स्रोतको धारणा छ । पक्राउ परेका सलीम भारतमा विभिन्न अपराधमा संलग्न रहेको भन्दै भारतीय मिडियाले उनी नेपालमा पक्राउ परेको समाचार प्रकाशन गरेका छन् ।
भारतीय मिडियाका अनुसार नेपाल प्रहरीले नियन्त्रणमा लिएर उनलाई भारतीय प्रहरीसमक्ष बुझाइएको हो ।
