काठमाडौं । स्वतन्त्र नागरिक छानबिन आयोगले बुधबार तीनकुने घटनाबारेको प्रतिवेदन सार्वजनिक गरेको छ।
घटनाको न्यायिक छानबिन नगरी ५० जनामाथि मुद्दा अघि बढाएकामा समेत आयोगले चासो लिएको छ। सरकारले तीनकुने घटनको छानबिन गर्ने क्रममा अपराध अनुसन्धानका स्थापित सिद्धान्त, प्रचलन र कार्यविधिहरू पालना नगरेको जिकिर पनि प्रतिवेदनमा गरिएको छ।
तीनकुने घटनामा राष्ट्रिय तथा अन्तर्राष्ट्रिय कानुन र कानुनी व्यवस्थाको उल्लंघन भएको आयोगले निष्कर्ष निकालेको छ। नेपालको संविधान, मानवअधिकार सम्बन्धी विश्वव्यापी घोषणापत्र र विभिन्न अन्तर्राष्ट्रिय सन्धिहरूको तीनकुने घटनामा उल्लंघन भएको ठहर आयोगले गरेको छ।
गठन भएको १ महिना २० दिनमा आयोगले प्रतिवेदन सार्वजनिक गरेको हो।
अभियन्ता देवेन्द्रलाल नेपालीको अध्यक्षतामा गठित आयोगले प्रतिवेदन सार्वजनिक गरेको हो।
