काठमाडौं । एसियन छनोटको तयारीका लागि मैत्रीपूर्ण खेल खेल्न थाइल्यान्ड प्रस्थान गर्नुअघि नेपाली महिला राष्ट्रिय फुटबल टोली प्रशिक्षणमा जारी राखेका छन् ।
खेलका लागि अन्तिम टोली केही दिनअघि घोषणा भइसकेको छ। नेपालले मे ३० र जुन २ तारिखमा घरेलु टोली थाइल्यान्डसँग मैत्रीपूर्ण खेल खेल्न लागेको हो । एन्फाले प्रशिक्षणमा रहेका खेलाडीबाट एन्जिला तुम्बापो सुब्बाको कप्तानीमा २३ सदस्यीय टोली घोषणा गरेको छ ।
यी हुन् प्रशिक्षणमा व्यस्त खेलाडीहरू :
गोलरक्षकः एञ्जिला तुम्बापो सुब्बा (कप्तान), अञ्जना रानामगर र उषा नाथ
रक्षकः अमृता जैसी, गीता राना, विमला विक, पूजा राना, निशा थोकर, समीक्षा घिमिरे र मनमाया दमाई
मिडफिल्डरः अनिता बस्नेत, विमला चौधरी, रेणुका नगरकोटे, प्रीति राई, सरु लिम्बु, सविता रानामगर, सरस्वती हमाल र सुस्मा तामाङ
स्ट्राइकरः सावित्रा भण्डारी, रश्मीकुमारी घिसिङ, चन्द्रा भण्डारी, अनिता केसी र रेखा पौडेल
