काठमाडौं। राजधानीमा काठमाडौंमा विद्युत आपूर्ति असहज छ । मुख्य त राजधानीबासीले सहजरूपमा विद्युत आपूर्ति हुनबाट बन्चित रहेका छन् ।
उता,नेपाल विद्युत् प्राधिकरणका कार्यकारी निर्देशक हितेन्द्र देव शाक्यले लोडसेडिङको हल्लामा कुनै सत्यता नरहेको बताएका छन्।
उता,सेवाग्राही आक्रोसमा रहेका छन् । अहिले इन्र्भटर व्यापारीले विद्युत प्राधिकरणका कार्यकारी हितेन्द्र शाक्यको प्रशंसा गरेका छन् । शाक्य आएपछि कर्मचारीको लापरवाही बढेको छ।
वर्तमान सरकार बनेदेखि जनताले कुनै पनि ठाउँमा राहत पाएको छैन । दिपक खड्काले उर्जा मन्त्रालय लिए पछि झन् अस्वाभाविक चलखेल बढेको बुझ्न सकिन्छ ।
नीतिगत लुट सरकारको प्रमुख एजेण्डा बन्यो । विद्युतको पिपिएका लागि सौर्य ऊर्जा उत्पादन कम्पनीहरू सचेत थिए । मन्त्रीले प्राधिकरण बोर्डको अधिकार खोसेर आफ्नै कब्जामा लगेको कारणले पनि प्राधिकरण ध्वस्त भएको हो ।
विभागीय प्रमुखहरूको हिजोको प्रस्तुति र आजको शैली फरक छ । कुलमान हुँदा नाफै नाफाको प्राधिकरण उनी हटेको महिना दिन पुग्दा नपुग्दै घाटा देखाएर आफ्नै क्षमता माथि प्रश्न उठाउने काम चार्टर एकाउण्टेड लेखा प्रमुखले गरेका छन् ।
लाजको पसारो हितेन्द्रको कार्यकालको सुरु देखि नै देशले लोडसेडिङ्ग भोगेको छ ।
दैनिक जसो बेलुका एक घण्टा लोडसेडिङ्ग गराएर आफ्नो क्षमता देखाएको शाक्यको टोलीबाट लुटाहा ऊर्जा मन्त्री दिपक खड्का र ओली सरकारलाई फाइदै फाइदा भएपनि जनता निराश छन् । भन्नका लागि ढल्केबरको शबस्टेशनको गडबढी भनियो हामाहरीले प्रवाहमा समस्या गरायो भनेपनि व्यवस्थापनको कमिशन मोह नै हो । हिजो थन्किएको इन्भर्टर पुन बजारमा पठाइएको छ ।
दैनिक ५ देखि २५ वटासम्म इन्र्भटर बिक्री हुन थालेको व्यापारीहरू बताउँछन् । काँग्रेसका डा प्रकाशशरण महत ऊर्जा मन्त्री हँदाको समयमा इन्भर्टर व्यापार निकै चम्कियो । चुहावट नियन्त्रणमा चासो छैन ।
हिजो बालाजुस स्टेशनबाट विद्युत चोरी हुने गरेको थियो । कुलमान आएपछि ६ जना कर्मचारीको जागिर गयो। प्राधिकरणलाई चुस्ने दलीय झण्डाका कर्मचारी संघ संगठन पनि त्यहाँ छन् । तर, तीनको मूल दायित्व संस्था ध्वस्त बनाउने मै केन्द्रित रहेकाे छ । मन्त्रीको लुट चम्किदा तीनले खबरदारी गर्दैनन् ।
उपभोक्ताको सेवा प्रति तीनको चासो छैन । २४ घण्टा विद्युत प्रयोग गरेर नाफाको व्यापार गर्ने तर, डेडिकेडेटर ट्रंक लाइनको शुल्क बुझाउन नखोज्ने देशघाति उद्योगीहरूको स्वार्थमा प्रधानमन्त्री र ऊर्जा मन्त्री डुबेका छन् ।
