काठमाडौं। पतञ्जली आयुर्वेद कम्पनीलाई हदबन्दी छुटमा जग्गा खरिद गर्न दिएको आरोपमा अख्तियार दुरुपयोग अनुसन्धान आयोगले पूर्व प्रधानमन्त्री एवम् नेकपा एकीकृत समाजवादीका अध्यक्ष माधवकुमार नेपाललाई बयान लिएको छ ।
अख्यितार स्रोतका अनुसार केहि दिन अघि टंकालस्थित अख्यितार दुरुपयोग अनुसन्धान आयोगको कार्यालयमै पुगेर नेपालले बयान दिएका हुन् ।
अख्तियारको कार्यालयमा आउन इन्कार गरेका नेपाललाई संसदमै सूचना टाँस गर्ने चेतावनीपछि कार्यालयमा आउन तयार भएको अख्तियारको दाबी छ ।
२०६६ सालमा माधवकुमार नेपाल प्रधानमन्त्री हुँदा काभ्रेमा हदबन्दी बढीको जग्गा हदबन्दी छुटमा खरिद गर्न स्वीकृती दिने निर्णय मन्त्रिपरिषद्ले नै गरिदिएको थियो ।
काभ्रेमा पतञ्जली योगपीठ तथा आयुर्वेद कम्पनीका नाममा रहेको हदबन्दी छुटको जग्गालाई किनबेच गरिएका थियो ।
