काठमाडौं । राष्ट्रपति रामचन्द्र पौडेलसमक्ष नेपाल लागि प्रजातान्त्रिक समाजवादी गणतन्त्र श्रीलङ्काका राजदूत सुदर्शना के. पाथिरानाले शिष्टाचार बिदाइ भेट गर्नुभएको छ ।
शुक्रबार राष्ट्रपति भवनमा भएको उक्त भेटमा नेपाल र श्रीलङ्काका रहिआएको द्विपक्षीय सम्बन्ध, आपसी हित र चासोका विषयमा कुराकानी भएको राष्ट्रपति कार्यालयका प्रवक्ता शैलजा रेग्मी भट्टराईले जानकारी दिनुभयो ।
साथै राष्ट्रपतिले राजदूत पाथिरानालाई आफ्नो कार्यकाल सफलतापूर्वक सम्पन्न गर्नुभएकोमा धन्यवाद समेत व्यक्त गर्नुभयो ।
यसैगरी, राष्ट्रपतिसमक्ष नेपालका लागि जापानका राजदूत किकुता युताकाले पनि शिष्टाचार बिदाइ भेट गर्नुभएको छ ।
सो अवसरमा नेपाल र जापानबिच रहिआएको द्विपक्षीय सम्बन्ध, आपसी हित र चासोका विषयमा कुराकानी भएको प्रवक्ता भट्टराईले जानकारी दिनुभयो । साथै राष्ट्रपतिले राजदूत युताकालाई आफ्नो कार्यकाल सफलतापूर्वक सम्पन्न गर्नुभएकोमा धन्यवाद व्यक्त गर्नुभयो ।
