काठमाडौं । नेपाली पौडीबाज एलेक्स शाह सन् २०२४ को पेरिस ओलम्पिक- २०२४ को दोस्रो चरणमा प्रवेश गरेका छन्।
आज मंगलबार भएको सय मिटरको पुरुष फ्रिस्टाइलमा छनोट चरणमा तेस्रो हुँदै दोस्रो चरणमा प्रवेश गरेका हुन्। शाहले गत वर्ष फेब्रुअरीमा दोहामा भएको विश्व च्याम्पियनसिपमा ५२.१७ सेकेण्डमा सय मिटर पार गर्दै राष्ट्रिय कीर्तिमान कायम गरेका थिए। उनले आज आफ्नै रेकर्ड पनि ब्रेक गरेका छन्।
आज उनले ५१.९१ सेकेन्डमा पार गरे। यसअघि उनले २०२१ मा भएको टोकियो ओलम्पिकमा ५३.४१ सेकेन्डको राष्ट्रिय कीर्तिमान बनाएका थिए। अब उनले अर्को चरण प्रवेशका लागि भोलि खेल्नेछन्।
