धनगढी । लगातार अत्याधिक गर्मी बढेपछि धनगढी उपमहानगरभित्र रहेका विद्यालयहरुलाई एक हप्ता बन्द गर्न उपमहानगरले पत्र काटेको छ।
उपमहानगरभित्र रहेका सबै विद्यालयहरु १८ गतेदेखि बन्द गर्न उपमहानगरले पत्र पठाइएको हो।
आज पठाइएको पत्रमा गर्मीका कारण बालबालिका तथा विद्यार्थीहरुको स्वास्थ्यमा पर्न सक्ने प्रतिकूल असरलाई मध्यनजर गर्दै मिति १८ गतेदेखि २४ गतेसम्म वर्षे विदाबाट कट्टा हुने गरी उपमहानगरपालिकाअन्तर्गतका सम्पुर्ण सामुदायिक, संस्थागत र धार्मिक विद्यालयहरुको पठनपाठन बन्द गर्ने व्यवस्था मिलाउन उल्लेख गरिएको छ।
मौसम पूर्वानुमान महाशाखाका अनुसार धनगढीको आज न्यूनतम ४२ देखि ४४ डिग्री तापक्रम रहेको छ।
