विराटनगर । नेकपा एमाले भोजपुरको अध्यक्षमा मक्कर खड्का निर्वाचित भएका छन् । पदाधिकारीमा खड्काको प्यानलै विजयी भएको छ । निवर्तमान अध्यक्ष शरणकुमार राईको प्यानललाई हराउँदै खड्काको प्यानल निर्वाचित बनेको हो । खड्काले ३१७ भोट ल्याउँदा प्रतिस्पर्धी शरण राईले २२३ मत पाएका छन् ।
शेरधन राई मुख्यमन्त्री हुँदा खड्का उनको स्वकीय सचिव बनेका थिए । उपाध्यक्षमा किरण राई ३११ मत ल्याएर विजयी भएका छन् । सचिवमा ३४७ भोट ल्याएर एक्सन राई विजयी भए । एक्सन पत्रकार महासंघ भोजपुर शाखाका अध्यक्ष समेत हुन् । उपसचिवमा ३०४ भोट ल्याएर दौलथ कुलुङ राई विजयी भएका छन् ।
महिला उपसचिवमा रमादेवी राई २९३ भोट ल्याएर विजयी भइन् । नेतृत्व चयनका लागि ६०८ जना प्रतिनिधिमध्ये ५७३ जनाले मतदान गरेका थिए ।
