काठमाडौं / नेपाल र वेस्ट इन्डिज ‘ए’ बीचको पाँच खेलको टी-२० सिरिजको अन्तिम खेलमा नेपालले जितका लागि १ सय ७३ रनको लक्ष्य प्राप्त गरेको छ।
टस जितेर पहिले ब्याटिङ गरेको वेस्ट इन्डिज ‘ए’ ले निर्धारित २० ओभरमा ७ विकेट गुमाएर १ सय ७२ रन बनाएको हो।
वेस्ट इन्डिजका लागि जोनसोन चार्लेसले २४ रन बनाउँदा अलिक अथान्जेले ४२ रनको अविजित इनिङ खेलेका थिए। त्यस्तै, कप्तान रोस्टन चेजले ३३ रन बनाउँदा म्याथ्यु फोर्डले २३ रन बनाए।
थप दोहोरो स्कोरका रुपमा कडिम एलियन र मार्क ड्यालीले समान ११-११ रन बनाएका थिए। नेपालका लागि सोमपाल कामी र सागर ढकालले समान ३-३ विकेट लिँदा अभिनाश बोहराको नाममा १ विकेट रह्यो।
पाँच खेलको सिरिज नेपालले यसअघि नै गुमाइसकेको छ। अघिल्ला ४ खेलमा ३-१ ले सिरिज गुमाइसकेको नेपाल अन्तिम खेलमा जित निकाल्ने लक्ष्यमा रहेको छ।
