वीरगञ्ज / बारा प्रहरीले मोटरसाइकल चोरी गर्ने समूहका दुई जना लाई पक्राउ गरेको छ। पक्राउ पर्नेमा बारा परबानीपुर गाउँपालिका–४ चैनपुर बिर्ता टोल बस्ने २१ बर्षीय बली साह सोनार र सोही स्थानका २५ बर्षिय रामनिवाश राउत भेडियर छन्।
उनीहरुले आफ्नै टोलबाट ना ६५ प ६६५६ नम्बरको मोटरसाईकल चोरी गरी भागेका थिए।अनुसन्धानको क्रममा सोही गाउँपालिका–५ गण्डक नहर स्थित हुलाकी राजमार्ग सडक खण्डमा चोरी भएको मोटरसाईकलसहित दुबै जनालाई फेला पारी पक्राउ गरिएको बाराका प्रहरी प्रबक्ता दधिराम न्यौपानेले जानकारी दिए।
दुबै जनालाई चोरी मुद्दामा अदालतबाट सात दिनको म्याद लिई अनुसन्धान भइरहेको न्यौपानेले जनाए।
