काठमाडौं । त्रिकोणात्मक टी-२० सिरिज अन्तर्गत नामिबियाविरुद्धको आफ्नो पहिलो खेलमा नामिबियाले नेपाललाई २ सय ७ रनको विशाल लक्ष्य पछ्याएको नेपाल पहिलो बलमै विकेट गुमाउन बाध्य भएको छ।
नेपालका लागि ओपनिङमा आएका कुशल भुर्तेल गोल्डेन डकआउट भएका हुन्। नामिबियाले निर्धारित २० ओभरमा ४ विकेट गुमाएर २ सय ६ रन बनाएको थियो। टस जितेर पहिले ब्याटिङ गरेको नामिबियाले जन निकोल लोफ्टाइ-एटनको कीर्तिमानी शतक प्रहार गरे।
उनले ३३ बलमै शतक प्रहार गर्दै सर्वाधिक चाँडो टी-२० शतकको कीर्तिमान बनाएका हुन। उनले ३३ बलमा ११ चौका र ८ छक्का प्रहार गरे। उनले यसअघि कुशल मल्लले बनाएको सर्वाधिक छिटो टी-२० शतकको विश्व कीर्तिमान भंग गरे।
कुशलले यसअघि एसियन गेमका दौरान ह्वाङजाउमा मंगोलिया विरुद्ध गत सेप्टेम्बरमा ३४ बलमा शतक बनाउँदै विश्व कीर्तिमान बनाएका थिए। एटन ३६ बल खेलेर १०१ रन बनाउँदै पेभिलियन फर्किएका थिए।
