काठमाडौं । प्राइम कमर्सियल बैंक लिमिटेडले आफ्ना लगानीकर्तालाई लाभांश वितरण नगर्ने भएको छ । बैंकले आर्थिक वर्ष २०७९-८० को नाफाबाट लगानीकर्तालाई लाभांश वितरण नगर्ने भएको हो ।
आज बसेको कम्पनीको ४८७औँ सञ्चालक समितिको बैठकले लगानीकर्तालाई लाभांश वितरण नगर्ने प्रस्ताव गरेको जनाइएको छ । यस्तै, सञ्चालक समितिको बैठकले गत आर्थिक वर्षको वित्तीय विवरण स्वीकृतिका लागि नेपाल राष्ट्र बैंकमा पठाउने निर्णय समेत गरेको छ ।
प्राइम बैंकले चालू आर्थिक वर्षको बजेटको व्यवस्थाअनुसार सरकारलाई मर्जर तथा प्राप्ति र प्रिमियममा सेयर जारी गरेबापतको कर बुझाएको छ ।
कम्पनीले ठुला करदाता कार्यालयमा २८ करोड ९६ लाख रुपैयाँभन्दा धेरै कर बुझाएको थियो । सोही कारण लगानीकर्तालाई लाभांश वितरण नगर्ने प्रस्ताव गरेको हो ।
