काठमाडौं । नेकपा माओवादी केन्द्रको केन्द्रीय समिति बैठक सम्पन्न भएकाे छ ।
आइतबार अध्यक्ष पुष्पकमल दाहाल प्रचण्डको सम्बोधनसँगै बैठक सम्पन्न भएकाे हाे । बैठक समापनका क्रममा आफूहरू भावनात्मक रूपले एक ढिक्का भएको भन्दै प्रधानमन्त्री प्रचण्डले एक ढिक्का भएको बताए। ‘हामी एक ढिक्का भएका छौँ। पार्टी नेतृत्व बाहिर जाने छैनौँ। नेतृत्वको वरिपरि गोलबन्द हुनेछौँ।
हामी भावनात्मक रूपले भए पनि एक ढिक्का भएका छौँ। फेरि माओवादी जाग्नेछ’ उनले भनेका थिए। त्यसलगत्तै हलमा ‘श्रद्धेय अध्यक्ष कमरेड प्रचण्ड – लालसलामु को नारा गुन्जिएको थियो। केन्द्रीय सदस्यहरूले श्रद्धेय अध्यक्ष कमरेड प्रचण्ड – लालसलाम, लालसलाम’को नारा लगाएका थिए। बैठक समापन गर्दा महासचिव देव गुरुङले केही नारा लगाए भने केन्द्रीय सदस्यले सामूहिक रूपमा जिन्दावाद जिन्दावाद भनेका थिए।
