अस्ट्रेलियाले वुमेन्स वर्ल्डकप २०२३ मा बिहीबार विजयी सुरुआत गरेको छ । उसले गणतान्त्रिक आयरल्यान्डलाई १–० ले पराजित गर्दै विजयी सुुरुआत गरेको हो । स्टेफ क्याटलीले पेनाल्टीबाट गरेको निर्णायक गोलको मद्दत अस्ट्रेलियाले आयरल्यान्डलाई पराजित गरेको हो ।
उनले ५२ औं मिनेटमा गोल गरेकी थिइन् । हायले रासोमाथि मारिसा सेभाले फल खेलेपछि अस्ट्रेलियाले पेनाल्टी पाएको थियो । आयरल्यान्डले भने पहिलो पटक वुमेन्स वर्ल्डकपमा खेलिरहेको छ ।
यस जितपछि अस्ट्रेलियाले समूह ‘बी’ मा सुरुआती अग्रतासमेत लिएको छ । यसअघि अकल्यान्डमा भएको उद्घाटन खेलमा न्युजिल्यान्डले नर्वेलाई पनि १–० ले नै पराजित गरेको थियो ।
