काठमाडाैँ – एसेज टेस्ट सिरिज अन्तर्गत दोस्रो टेस्टको पहिलो इनिङमा अस्ट्रेलियाले इंग्ल्यान्ड विरुद्व ९१ रनको अग्रता बनाएको छ। शुक्रबार दिनको तेस्रो दिनको खेलको पहिलो सेसनमानै इंग्ल्यान्ड ३ सय २५ रन बनाउँदा अलआउट भएपछि अस्ट्रेलियाले पहिलो इनि,मा ९१ रनको अग्रता बनाएको छ।
तेस्रो दिन २७८ रनमा ४ विकेट गुमाउँदाबाट दिनको खेल सुरु गरेको इंग्ल्यान्डले थप ४७ रन जोड्दा आफ्ना महत्वपूर्ण ६ विकेट गुमाएको थियो। त्यसोत इंग्ल्यान्डले पहिलो विकेटका लागि १८८ रनको साझेदारी गरेको थियो तर उसले थप १३७ रन जोड्दा ९ विकेट गुमाउन पुग्यो।
इंग्ल्यान्डका लागि बेन डकले ९८ रन बनाउनु सर्वाधिक रह्यो। त्यस्तै ज्याक क्राउलीले ४८ रन बनाउँदा ओली पोपले ४२ रन बनाएका थिए। त्यस्तै ह्यारि ब्रुकले ५० रन बनाउँदा जोनी ब्यारिस्टोले १६ तथा बेन स्टोक्सले १७ रन बनाएका थिए। अस्ट्रेलियाका लागि मिचेल स्टार्क र जोस ह्याजलवुड तथा ट्रेभिस हेडले समान २–२ विकेट लिएका थिए। त्यस्तै प्याट कमिन्स, नाथन लियोन, क्यामरुन ग्रिनले समान १–१ विकेट लिए।
त्यसअघि पहिले ब्याटिङ गरेको अस्ट्रेलियाले स्टिव स्मिथको ११० रनको शतकीय इनिङमा ४१६ रन बनाएको थियो। उसका लागि डेभिड वार्नरले ६६ रन बनाउँदा मार्नुस लबुसेन ४७ तथा ट्रेभिस हेडले ७७ रन बनाएका थिए। अस्ट्रेलियाले तेस्रो दिननै दोस्रो इनिङ सुरु गरेको छ।
