काठमाडौं । नेपाल समाजवादी पार्टीका अध्यक्ष एवम् पूर्व प्रधानमन्त्री डा. बाबुराम भट्टराईले जनयुद्ध र त्यसका पूरकको रुपमा भएका विभिन्न आन्दोलन तथा विद्रोहको ऐतिहासिक संघर्षकै बेलामा नेपालमा संघीय लोकतान्त्रिक गणतन्त्र प्राप्त भएको बताएका छन् ।
जनयुद्ध दिवसको अवसरमा सरकारले आज देशभरि सार्वजनिक विदासमेत दिएको छ । बाबुरामले हिजै सञ्जालमा लेखेका थिए-
जनयुद्ध दिवसको उपलक्ष्यमा सबैमा हार्दिक शुभकामना तथा महान् शहीद,वेपत्ताजन,घाइते योद्धाहरूमा हार्दिक सम्मान! जनयुद्ध र त्यसकै पूरकको रूपमा भएका जनआन्दोलन,मधेस विद्रोह,थरूहट विद्रोह,जनजाति आन्दोलन लगायतका ऐतिहासिक संघर्षकै बलमा संघीय लोकतान्त्रिक गणतन्त्र प्राप्त भएको स्मरण गरौं!
