वीरगञ्ज । बाराको सिम्रौनगढ नगरपालिकामा दुई वटा मोटरसाइकल एक आपसमा ठोक्किँदा एक जनाको मृत्यु भएको छ भने, दुई जना घाइते भएका छन्।
सिम्रौनगढ नगरपालिका- ५ कोल्डस्टोर टोलस्थित तेलकुवा सिम्रौनगढ नहर सडक खण्डमा टेटाबाट बजारतर्फ आउँदै गरेको ना १ प ६८८८ नम्बरको र विपरित दिशाबाट जाँदै गरेको ना १८ प ५१४१ नम्बरको मोटरसाइकल एक आपसमा ठोकिँएका थिए।
दुर्घटनामा परि सिम्रौनगढ नगरपालिका- १० टेटा बस्ने अ. बर्ष ६५ को ना १ प ६८८८ नम्बरको मोटरसाइकल चालक महावीर साह कानुको अस्पतालमा उपचारको क्रममा मृत्यु भएको प्रहरीले जनाएको छ।
दुर्घटनामा परेर सोही मोटरसाइकलको पछाडि बसेकी मृतककी नातिनी १३ वर्षीया प्रियान्शु कुमारी साह घाइते भएकी छन्।
उनको अवस्था समान्य रहेको तथा ना १८ प ५१४१ नम्बरको मोटरसाइकल चालक सिम्रौनगढ- ४ गंगानगर बस्ने १८ वर्षका बाल्मिकी यादव पनि घाइते भएको बाराका प्रहरी प्रवक्ता राजेश थापाले जानकारी दिए।
उनको उपचार कलैया अस्पतालमा भइरहेको र घटनाको बारेमा थप अनुसन्धान भइरहेको थापाले बताए।
