हुम्ला । हुम्ला खण्डमा पर्ने कर्णाली करिडोरको सडक किनारको डाईभर्सन निर्माणको क्रममा कर्णाली नदीमा स्काभेटरसहित खसेका चालकको जिवितै उद्धार गरिएको छ । नदीमा स्काभेटरसँगै खस्नुु भएका मुुगुु जिल्ला छायाँनाथ रारा नगरपालिका–४ स्थायी ठेगाना भएका चालक धर्म बढुवाललाई स्थानीय उद्धारकर्ताले जिवित उद्धार गर्न सफल भएका हुन् ।
प्रहरी निरीक्षक गीताप्रसाद चौधरीले सर्केगार्ड गाउँपालिका– ५ को गिउसीमा कर्णाली करिडोरको सडक निर्माण गर्ने क्रममा नदीमा स्काभेटर सहित खस्नुु भएका चालक बढुवालाई स्थानीयको सहयोगमा सकुशल उद्धार गरिएको बताउनुुभयो ।
सडक किनारको डाईभर्सन निर्माण गर्ने क्रममा बा २ झ ७७८० नम्बरको स्काभेटर नदीमा खसेको थियो । घटना भएको जानकारी पाउने बित्तिक्कै बिहीबार बेलुुका स्थानीय र प्रहरी घटना स्थल पुुगेर स्थानीय युवाले पौडी लेखेर चालकलाई उद्धार गरेको प्रहरी निरीक्षक चौधरीले जानकारी दिनुभयो ।
स्काभेटर भने नदीमा डुुबेको छ । निर्माण कम्पनी सपना धुलिखेल जेभीका स्थानीय प्रतिनिधि तेजबहादुुर महतले नदीमा खसेका चालकलाई सकुुशल उद्धार गर्न सफल भए पनि स्काभेटर तान्न भने कठिन भएको बताउनुुभयो ।
उहाँले नदीमा दश मिटरमाथि काम गर्ने क्रममा स्काभेटर फुत्किएर कर्णाली नदीमा सकेको बताउनुुभयो । स्काभेटर खसेको नदीको भाग निक्कै गहिरो रहेको छ । उक्त स्काभेटर सडक निर्माण कम्पनीले उज्जल निर्माण सेवाबाट भाडामा लगेर निर्माण कार्यमा खटिएको थियो ।
उहाँले नदीमा खसेको स्काभेटरलाई कर्णाली करिडोरकै दुल्ली कुनादेखि लालीबगरसम्म निर्माण कार्य गरी रहेको नेपाली सेनाको बिकास निर्माण दलको स्काभेटरलाई सहयोग मागिएको र त्यसका लागि सेना सकरात्मक रहेको बताउनुुभयो ।
सेनाको स्काभेटर घटना स्थलमा पुुगेपछि नदीमा खसेको उक्त स्काभेटर नदी बाहिर निकालिने छ । स्काभेटर नदीमा खसेपनि मानवीय क्षेती हुनबाट भने जोगिएको छ । राजन रावत गाेरखापत्र
