काठमाडौं । नेपाल टेलिकमले एफटीटीएच अन्तर्गत इन्टरनेट व्याण्डविथसहित आईपीटिभी र भ्वाइस सेवाको ट्रिपल प्ले प्याक मूल्य घटाएको छ । यसअन्तर्गत ४० र ८० एमबीपीएस इन्टरनेट व्याण्डविथसहितको ट्रिपल प्ले प्याक लिने ग्राहकका लागि नवीकरण शुल्क घटेको कम्पनीले जानकारी दिएको छ ।
अब वार्षिक ४० एमबीपीएस इन्टरनेट व्याण्डविथसहित आईपीटिभी र भ्वाइस सेवा लिने ग्राहकले १६ हजार ६८२.६४ रुपैयाँमा ट्रिपल प्ले प्याक नवीकरण गर्न सक्नेछन् ।
त्यस्तै ८० एमबीपीएस इन्टरनेट व्याण्डविथसहित आईपीटिभी र भ्वाइस सेवा लिने ग्राहकले २१ हजार ५४१.५४ रुपैयाँमा ट्रिपल प्ले प्याक नवीकरण गर्न सक्ने टेलिकमले जनाएको छ ।
एफटीटीएच सेवामा उपलब्ध गराइएका यसअघिका अरु सबै प्याकलाई निरन्तरता दिइएको छ ।
