कीर्तिपुर । मगन इन्टरटेनमेन्ट र कीर्तिपुर सिनेप्लेक्स बिच सम्झौता मगन इन्टरटेनमेन्टको ब्यानरमा र रजिन महर्जनको लेखन तथा निर्देशनमा निर्माण भएको सर्ट फिल्म “उच्च शिक्षा, एडुकेशन फर अ कमनर” को प्रिमियर शोका लागि मगन इन्टरटेनमेन्ट र कीर्तिपुर सिनेप्लेक्स बिच आईतवार सम्झौता भएको छ ।
यहि माघ १२ गते मगन इन्टरटेन्मेन्टको अफिसियल युट्युव च्यानलबाट रिलिज हुन लागेको यस लघुचलचित्रको यहि माघ ११ गते बुधबार कीर्तिपुर सिनेप्लेक्समा बिशेष प्रिमियर शो हुन लागेको हो । सोका लागि मगन इन्टरटेन्मेन्टका निर्माण नियन्त्रक तथा यस लघुचलचित्रका सहनिर्देशक बिक्रम महर्जन र कीर्तिपुर सिनेप्लेक्सका सञ्चालक बिजयलाल डंगोल बिच सम्झौता पत्रमा हस्ताक्षर भएको हो । बैदेशिक शिक्षाको बढ्दो मोह र त्यसबाट सामान्य परिवारमा हुन सक्ने तिक्तताको बिषयलाई लिएर निर्माण भएको सो सर्ट फिल्म माघ १२ गते मगन इन्टरटेनमेन्टको युट्युब च्यानलबाट रिलिज हुनेछ । लक्ष्मीकुमार महर्जन, क्रिशल श्रेष्ठ, कृष्ण भक्त महर्जन लगायत कलाकारहरुको अभिनय रहेको सर्ट फिल्मको हालैमात्र प्रोमोशनल गित “आफै जान्ने” सार्वजनिक भइसकेको छ ।
रामचन्द्र महर्जन र जमुना महर्जन निर्माता रहेको यस सर्ट फिल्ममा सहायक निर्देशन बिक्रम महर्जनले गरेको छ भने संजिव रत्न शाक्यले कलर करेक्शन तथा कला निर्देशन गरेको छ । उत्तम हुमागाईले छायांकन गरेको यस सर्ट फिल्म नेपाल भाषा र नेपाली दुबै भाषामा युट्युब मार्फत माघ १२ गते रिलिज हुदैछ । साथै यहि माघ ७ गते यसै फिल्मको सन्दर्भमा एक पत्रकार सम्मेलन हुने र यस चलचित्रका कलाकार तथा प्राविधिकहरुलाई समेत सम्मान गर्ने कार्यक्रम तय भएको यस चलचित्रका लेखक तथा निर्देशक रजिन महर्जनले जानकारी दिनुभएको छ ।
