काठमाडाैं । मछिन्द्रले शुक्रबार फरवार्ड विमलले क्लबसँगको सम्झौता नवीकरण गरेको जनाएको छ । विमलले थप एक सिजनका लागि मछिन्द्रसँग सम्झौता थप गरेको क्लबले जनाएको छ । उनी पछिल्लो दुई सिजन यता मछिन्द्रमै छ । उनले गत सिजन ४ गाेल गरेका थिए ।
मछिन्द्रले २०७६ मा पहिलो पटक सहिद स्मारक ‘ए’ डिभिजन लिग च्याम्पियन बन्दा उनले लिगको अन्तिम खेल खेलेका थिए । गत वर्ष मछिन्द्र पुन लिग च्याम्पियन बन्दा उनले महत्वपुर्ण भुमिका निभाएका थिए ।
पोखरामा जारी आहा रारा पोखरा गोल्डकपमा विमलले मछिन्द्रबाटै खेलेका थिए । मछिन्द्रले मिडफिल्डर पुजन उपरकोटीलाई मनाङ र अर्का मिडफिल्डर प्रशान्त अवस्थीलाई सातदोबाटो युथ क्लबबाट अनुबन्ध गरिसकेको छ ।
नयाँ सिजनको ’ए’ डिभिजन लिग फागुन १९ गतेबाट सुरु हुँदैछ । ‘उ’ डिभिजन लिगका लागि सबै १४ टोलीले तयारी खर्चसँगै क्लब दर्ता गरिसकेको अखिल नेपाल फुटबल संघ (एन्फा) ले जनाएको छ ।
