पेजथ्री पब्लिक च्वाईस म्यूजिक अवार्ड ११४२ मा उत्कृष्ट संगीतकारको अवार्ड जित्न सफल संगीतकार एवं एक कुशल खेलाडी कीर्तिपुर नगरपालिका २ वडा देवढोका निवासी भुवन महर्जनको संगीतमा मंसीर २९ गते बिहिबार ‘जेम्स…’ बोलको म्यूजिक भिडियो सार्वजनिक भएको छ ।
सनस्टार क्लबको निर्माणमा निर्मित उक्त ‘जेम्स…’ गीतको रचना संचारकर्मी ललेन्द्र शाक्यले गर्नुभएको छ भने संगीत संयोजन प्रिन्स नेपालीले गर्नुभएको छ । यस्तै ‘जेम्स…’ गीतमा नवोदित गायक राजन महर्जन र पेजथ्री पब्लिक च्वाईस म्यूजिक अवार्ड ११४२ मा उत्कृष्ट बाल गायकको अवार्ड जित्न सफल एरोन महर्जनको स्वर रहेको छ ।
२०७९ मंसीर २९ गते बिहिबार सनस्टार क्लब भवन परिसर कीर्तिपुर नपा १० वडा चिथु बिहार टोलमा बेलुकी उक्त ‘जेम्स…’ गीतको म्यूजिक भिडियो सनस्टार क्लबका अध्यक्ष मनकेश महर्जनले स्वीच अन गरी सार्वजनिक गर्नुभएको थियो । क्लबका सदस्य भरत महर्जनले संचालन गर्नुभएको उक्त कार्यक्रममा ‘जेम्स…’ गीत सर्जक संचारकर्मी ललेन्द्र शाक्य, संगीतकार भुवन महर्जन, गायकद्वय राजन महर्जन र एरोन महर्जन, त्यस्तै संगीत संयोजक प्रिन्स नेपालीलाई म्यूजिक भिडियो निर्माता सनस्टार क्लबले मायाको चिनो प्रदान गरिएको थियो भने म्यूजिक भिडियोका कलाकारहरुलाई धन्यवाद ज्ञापन गरिएको थियो । यस्तै कार्यक्रममा म्यूजिक भिडियो निर्माण संस्था मगन इन्टरटेन्टमेन्ट प्रा.लि.ले म्यूजिक भिडियो निर्माता सनस्टार क्लबलाई कृतज्ञता पत्र हस्तान्तरण गरिएको थियो भने ‘जेम्स…’ म्यूजिक भिडियोको निर्देशन मगन इन्टरटेन्टमेन्टका रजिन महर्जनको रहेको छ । जेम्स डंगोल, कीर्तिपुर १ वडा गल्छे टोल निवासी सनस्टार क्लबका एक सक्रिय सदस्य हुन् ।
जेम्सको व्यवसायिक काम भनेको कूकिङ पेशा हो भने जेम्स कुशल कूकको रुपमा पनि चिनिन्छ । उनी कीर्तिपुरको चुक रेष्टुरेन्टमा कार्यरत हुनुहुन्थ्यो । जेम्स, एक कुशल बास्केटबल खेलाडी पनि हुन् । जेम्सका सन्तानका रुपमा स–साना दुईटा नानीहरु छन् । अकस्मात्, बि.सं. २०७९ सालको नयाँ वर्षको दिन बैशाख १ गते क्लबका साथीहरुसंग नयाँ बर्ष मनाई घर हिडेका जेम्स २०७९ बैशाख २ गते बिहान शुन्य आकाशमा बिलीन भइन् ।
अकल्पनीय रुपमा मृत्युशैयामा पुगीन् । सनस्टार क्लब र क्लबका सदस्यहरुहले आफ्नो साथी जेम्सको असामयिक निधनप्रति श्रद्धाञ्जलि अर्पण गर्दै स्वर्गीय साथी जेम्स डंगोलको सम्झनामा यो ‘जेम्स…’ गीतको म्यूजिक भिडियो सार्वजनिक गरिएको थियो ।
सार्वजनिक कार्यक्रममा स्वर्गीय जेम्स डंगोलको आत्माको चीरशान्तिको कामनाका साथ दीप प्रज्ज्वलन पनि गरिएको थियो । ‘जेम्स…’ गीतको म्यूजिक भिडियो मगन इन्टरटेन्टमेन्टको अफिसियल यूट्युब च्यानलमा अपलोड भइसकेको छ भने हालसम्म करिब ५ हजार भ्यूअर्स पुगिसकेको छ ।
