काठमाडौँ – भारतीय प्रधानमन्त्री नरेन्द्र मोदीलाई मातृशोक परेको छ।
मोदीकी आमा हिराबा मोदीको शुक्रबार १०० वर्षको उमेरमा निधन भएको हो।
स्वास्थ्यमा समस्या देखिएपछि उनलाई बुधबार अहमदाबादको युएन मेहता अस्पतालमा भर्ना गरिएको थियो। उपचारको क्रममा उनको शुक्रबार बिहान साढे ३ बजे निधन भएको भारतीय सञ्चारमाध्यमले जनाएका छन्।
उनको आजै अन्तिम संस्कारसमेत भइसकेको छ। प्रधानमन्त्री मोदीले आमालाई दागबत्ती दिएका थिए।
