काठमाडौँ- सिरियल किलर उपनामले चिनिने चार्ल्स शोभराज शुक्रबार फ्रान्स उडेका छन्।
सर्वोच्च अदालतको आदेशअनुसार उनलाई थुनामुक्त गर्नुका साथै फ्रान्सतर्फ पठाइएको हो।
हतारहतार अध्यागमन विभागमा प्रक्रिया सकाएर फ्रान्सतर्फ उडेका चार्ल्स शोभराजले कर्मचारीहरुलाई आग्रह गरेअनुरुप केन्द्रीय कारागारबाट अध्यागमन र अध्यागमनबाट विमानस्थल पुग्दासम्म पनि मिडियाले उनको तस्बिर लिन सकेनन्। उनी सुरक्षाकर्मीको बाक्लो घेराभित्रै हराइरहे । यद्पि कतार एयरवेजको जहाजमा चढेपछि बल्ल उनको तस्बिर खिच्ने माैका पाए केही मिडियाले।
६ बजेको लागि निर्धारित कतार एयरवेजको जहाज निर्धारित समयभन्दा २९ मिनेट ढिलो उडेकाे थियो।
राताे ज्याकेटमा हँसिलो देखिएका चार्ल्स शोभराजले अध्यागमनका कर्मचारीहरुसँग विमानस्थलमा आफूले पेरिस पुगेर क्रिसमस मनाउने बताएका थिए।
यी तस्बिरहरु एबिपीलाइभबाट लिइएका हुन्।
