भारतको महाराष्ट्रको रायगढमा विद्यार्थी बोकेको बस आइतबार साँझ दुर्घटना भएको छ । दुर्घटनामा दुई जना विद्यार्थीको मृत्युभएको छ । बसमा ४८ जना विद्यार्थी रहेको भारतीय सञ्चार माध्यमले जनाएका छन् ।
खोपोली थाना क्षेत्रमा सडकमै बस पल्टेको भारतीय प्रहरीले जनाएको छ । बसमा सवार केही विद्यार्थी घाइते भएका छन् । उनीहरुलाई उपचारका लागि अस्पताल भर्ना गरिएको छ । बसको ब्रेक फेल भएर बस दुर्घटना भएको प्रहरीको प्रारम्भिक अनुमान छ । दुर्घटनामा परी विद्यार्थी १७ सालका हितिका खन्ना र १६ वर्षीय राजेश महात्रे रहेको प्रहरीले जनाएको छ ।
विद्यार्थीहरु पिकनिक मनाएर फर्कनेक्रममा आइतबार साँझ करिब ८ बजेतिर बस दुर्घटना भएको थियो । दुर्घटनामा पर्ने कक्षा १० का विद्यार्थीहरु थिए । दुर्घटनामा चालक पनि गम्भीर घाइते भएको प्रहरीले जनाएको छ ।
