प्रदेश २ मा मन्त्रिपरिषद् विस्तार



access_time 10 Jun 2021

जनकपुरधाम/मुख्यमन्त्री लालबाबु राउतले मन्त्रिपरिषद विस्तार गरेका छन्। आजै साँझ नेपाली कांग्रेसबाट तीन जनालाई मुख्यमन्त्री राउतले मन्त्री नियुक्त गरेका हुन्। 

नवनियुक्त मन्त्रीहरूमा रामसरोज यादव भौतिक पूर्वाधार विकास, ओम प्रकाश शर्मा खानेपानी तथा ऊर्जा विकास र वीरेन्द्र प्रसाद सिंह महिला, बालबालिका, युवा तथा खेलकुद मन्त्री छन्।  

नव नियुक्त मन्त्रीहरुलाई प्रदेश प्रमुख राजेश झा अहिराजले आजै शपथ ग्रहण गराएका छन्।

यसैबीच नेकपा माओवादी केन्द्रले भने मन्त्रालय बाँडफाँडमा असन्तुष्टि जनाएपछि सरकारमा सहभागी भएन। मागेको जति मन्त्रालय नपाउने भएपछि प्रदेश नम्बर २ सरकारमा नेकपा माओवादी केन्द्र सहभागी नहुने भएको हो। 

माओवादीले २ मन्त्रालय मागेकोमा जसपाले अन्तिम समयमा १ मन्त्रालय मात्रै दिन सकिने जनाएपछि रुष्ट भएका माओवादी सरकारमा सहभागी नहुने जनाएको छ।



Share Your Thoughts