पहिरोले नारायणगढ–मुग्लिन सडक अवरुद्ध


अगर बत्ती

Dharana    

access_time 08 May 2022

चितवन – पहिरोका कारण नारायणगढ–मुग्लिन सडकखण्ड अवरुद्ध भएको छ। शनिबार साँझ इच्छाकामना गाउँपालिकाको चोके खोलामा पहिरो खस्दा सडक अवरुद्ध भएको हो।

मुग्लिनबाट नारायणगढतर्फ तीन किमि दूरीमा पहिरो निरन्तर खसिरहेका कारण शनिबार यातायात सञ्चालन हुने सम्भावना न्यून रहेको ट्राफिक प्रहरीले जनाएको छ।जिल्ला ट्राफिक प्रहरी कार्यालयका प्रमुख प्रहरी निरीक्षक धर्म अधिकारीका अनुसार ठूलो पहिरो खसेका कारण शनिबार पहिरो हटाउन असम्भवजस्तै छ।

मुग्लिन हुँदै नारायणगढतर्फ आउने सवारीसाधन मुग्लिनमा रोकिएका छन् भने नारायणगढबाट मुग्लिन हुँदै जाने सवारीसाधनलाई जुगेडीतर्फ नै रोकिएको छ। पहिरो हटाउन सुरु भएको प्रहरीले जनाएको छ।



Share Your Thoughts