काठमाडौँ / नेपाल कम्युनिष्ट पार्टी एकता राष्ट्रिय अभियानका अध्यक्ष वामदेव गौतमले पूर्वसभामुख दमननाथ ढुंगानाको निधनप्रति दुख ब्यक्त गर्नु भएको छ । एक प्रेस बिज्ञप्ति जारी गर्दै गौतमले ढुंगानाका बिशेषताबारे चर्चा गर्नु भएको छ ।
सभामुखका रुपमा ढुंगानाको संयोजनकारी भूमिकाबारे गौतमले चर्चा गर्नु भएको छ । ढुंगानाले नेपालको अग्रगामी राजनीतिक परिवर्तन, मानव अधिकार संरक्षण र विशेषतः शान्तिप्रक्रियामा पुर्याएको योगदान सम्झिरहने बिषयहरु रहेको गौतमले उल्लेख गर्नु भएको छ ।
गौतमले ढुंगानालाई समकालीन नेपालका एक विशिष्ट बौद्धिक ब्यक्तित्वका रुपमा सम्झना गर्नु पर्ने र उहाँबाट सिक्नु पर्ने धेरै बिशेषताहरु रहेको बिज्ञप्तिमा उल्लेख गर्नु भएको छ ।
उहाँले आफूले एउटा असल मित्र गुमाएकोमा दुख प्रकट गर्नु भएको छ । गौतमले दिवंगत ढुंगानाप्रति भावपूर्ण श्रद्धाञ्जली तथा शोकसन्तप्त परिवारजनमा गहिरो समवेदना पनि ब्यक्त गर्नु भएको छ ।
बिज्ञप्तिको पूर्ण अंश यसप्रकार छ :-
दमननाथ ढुंगानाप्रति भावपूर्ण श्रद्धाञ्जली
पूर्वसभामुख दमननाथ ढुंगानाको ८३ वर्षको उमेरमा निधन भएको खबरले म निकै दुखी भएको छु र स्तब्ध भएको छु ।
सभामुखका रुपमा ढुंगानाको संयोजनकारी भूमिका सदा प्रशंसनीय रह्यो। ढुंगानाले नेपालको अग्रगामी राजनीतिक परिवर्तन, मानव अधिकारको संरक्षण र विशेषतः शान्तिप्रक्रियामा पुर्याएको योगदान सदा सम्झिरहने बिषयहरु छन् ।
ढुंगानालाई समकालीन नेपालका एक विशिष्ट बौद्धिक ब्यक्तित्वका रुपमा सम्झना गर्दै उहाँबाट सिक्नु पर्ने धेरै बिषयहरुछन्। संसदीय बेन्चमा बसेर एउटा साम्सदले निर्बाह गर्नु पर्ने गतिशिलता कस्तोहुनु पर्छ भन्ने शिक्षा वहांको कृयाशिलताबाट मैले प्राप्त गरेको हुं।वास्तवमा मैले असल मित्र गुमाएको छु भने देशले असल राजनीतिज्ञ र उच्च स्तरको विज्ञ गुमाएको छ । दिवंगत ढुंगानाप्रति भावपूर्ण श्रद्धाञ्जली तथा शोकसन्तप्त परिवारजनमा गहिरो समवेदना ब्यक्त गर्दछु ।
वामदेव गौतम
अध्यक्ष
नेकपाएकता राष्ट्रियअभियान
२/८/२०८१


